( 1 ) حِرَمْتْ اِلْعِيْنْ مِنْ نَظْرَةْ عِيُوْنِكْ وُشَغَلْتْ اِلْبالْ يا عُمْرِي بِدُوْنِكْ وُصِرْتْ آمُرْ عَلَى دَرْبْ اِلْمَحَبِّهْ وُيِمْكِنْ بِاْلْصِدَفْ آلْحَظْ فُتُوْنِكْ ( 2 ) حَبِيْبِي يا بَعَدْ أِهْلِي وُناسِي لِحُبِّي الاوِلي ماني بِناسِي أَنا وُدِي تِشارِكْنِي وِناسِي أَنا اتْرَيّا تُمُرْ خاطِرْ عَلَيِّهْ ( 3 ) حَبِيْبِي مِـنْ تِمُرْ قَلْبِي يِفِـزْ لَكْ وُعِيْنِي ما رَأَتْ يا زِيْــنْ مِثْلَكْ آحِنْ وَأشْتاقْ لِي مِنْ غِبْتْ عَنِّي وَآصَبِّرْ خاطِرْ إِقْلِيْبِــي لأجْلَكْ ( 4 ) حَبِيْبِي لا تِحَرِّكْ لي جِفُونِـكْ أَنا ما أقْدَرْ عَلَى نَظْرَةْ عِيونِكْ آحِسْ دَقاتْ قَلْبي ما هِي عَدْلِهْ وَآخافْ الناس حُوْلي يِلْحُظُونَكْ ( 5 ) حُبِّي إِنْتِهْ ما أَظِنْ أَعْشَقْ سُواكْ عِزِّي إِنْتِهْ وُفَرْحِتي ساعَةْ لِقاكْ يا شِمالي في سَمه صَدْرِي يِهِبْ تَتْرِسْ إِفّادِي عِشِقْ نَسْمَةْ هَواكْ ( 6 ) رِسايِلْ حُبْ تَرْسِلْهَا مِنْ اِلْعِيْنْ تِدِشْ اِلْقَلْبْ تِجاوُبْهَهْ اِلْشِفاتِيْنْ وُسَلامْ بِاْلْيَدْ إِشارَهْ لِي مِنْ إِبْعِيْدْ هذا حـالْ اِلْمُحِبْ وِيّا اِلْمُحِبِّيْنْ ( 7 ) رِجِيْتْ اِلْزِيْنْ يِلْكَانِي وَانا حَي تَرانِي آحْتِضِرْ لُوْ يِمْهِلْ إِشْوَي حَبِيْبِي يا بَعَدْ عُمْرِي وُرُوْحِي بَلَيّاكْ اِلْعُمُرْ عِنْدِي فَلا شَـي ( 8 ) سِقِيْتَكْ مِنْ زِلالْ اِلْرِيْـجْ لُوْ جِيْتْ وُبِعْيُوْنِي حَبِيْبِي زِنْـتْ وُحْلِيْــتْ وُلي باقِي عَطَشْ يا رُوْحِي بِاْلْيُوْفْ رُوِيْتَكْ مِــنْ دُمُوْعْ اِلْعِيْنْ هَلِّيْـتْ ( 9 ) شُهُوْرْ مَرَّتْ وَلا شِفْتَكْ حَبِيْبِي غِيابِكْ طالْ يا مِسْكِي وُطِيْبِي عَسَـى ما شَرْ خَبِّرْنِي بِحالِكْ هذا حَظِّي مَعاكْ وُهَذا نِصِيْبِي ( 10 ) طافَتْ اِلْحَزِّهْ وَلاجِيْتْ اِلْوَعَدْ إِنْشِغَلْ قَلْبُكْ بِغِيْرِي وُما نِشَدْ في غِيابُكْ آتِعَذَّبْ كِلْ حِيْنْ وَآتِحَمَّلْ غِيْبِتِكْ وَاصْبِرْ بَعَدْ ( 11 ) عِيُونِي تِشْتِهِي نَظْرَةْ عِيُونِكْ وُجِفُونِي تِشْتِهِي رَفَّةْ جُفُونِكْ وُقَلْبي ماسِلَى لَحْظاتْ عَنِّـكْ يِرَدِّدْ بِالصَدُرْ نَغْمَةْ لُحُوْنِـكْ ( 12 ) عَلَى وَعْدِكْ تُمُرْ ساعاتْ ما جِيْتْ وُعَلَى جَمْرْ اِلْوَعَدْ كَاعِدْ وُمَلِّيْتْ وُكِلْ خُطْوَهْ تِمُرْ آحْسِبْهِهْ إِنْتِـهْ نِسِيْتْ اِلْوَعْدْ أَوْ عَمْداً تِناسِيْتْ خليفه العيسى